బిగ్ బాస్ సీజన్-7 నిన్నటి వరకు టాస్క్, ఎలిమినేషన్, నామినేషన్ అంటు ఆకట్టుకుంది. ఇప్పుడు ఫ్యామిలీ వీక్ మొదలైంది. ఒక్కో కంటెస్టెంట్ యొక్క ఫ్యామిలీ మెంబర్స్ హౌస్ లోకి వస్తుంటే వాళ్ళ మధ్య బాండింగ్ అంతా బిగ్ స్క్రీన్ పై చూస్తూ ప్రేక్షకులు బాగా కనెక్ట్ అవుతారు. అందుకనే ఫ్యామిలీ వీక్ కి ఇంత క్రేజ్. అయితే తాజాగా విడుదలైన బిగ్ బాస్ ప్రోమో మరింత ఆసక్తిగా ఉంది. 

ఫ్యామిలీ వీక్ లో భాగంగా శివాజీ పెద్ద కొడుకు బిగ్ బాస్ హౌస్ లోకి వచ్చినట్టుగా తెలుస్తుంది. హౌస్ లో అందరు మాములుగా ఎవరి పనుల్లో వారున్నప్పుడు.. శివాజీ మీరు‌ మెడికల్ రూమ్ కి రండి అని బిగ్ బాస్ అనగానే.. ఒకే బిగ్ బాస్ అంటూ శివాజీ వెళ్ళాడు. అక్కడికి వెళ్ళాక డాక్టర్ శివాజీని చూసి.. నొప్పి ఏం అయినా ఉందా? అని అడిగాడు. కాస్త ఉందని శివాజీ చెప్తాడు. ఒక రెండు మూడు రోజుల్లో అంతా సెట్ అవుతుందని డాక్టర్ చెప్పడంతో.. ఎస్ ఐ విష్.. నేను ఆడతానని శివాజీ చెప్పి బయటకు వస్తుంటాడు. అప్పుడే నాన్న అని వెంకట్ అనగానే.‌. వెనక్కి తిరిగి చూస్తాడు శివాజీ. మాస్క్ గ్లాసెస్ అన్నీ తీసేసిన వెంకట్ చూసి శివాజీ హత్తుకొని ఏడ్చేశాడు. శివాజీ కళ్ళలో నీళ్ళు తిరిగాయనే చెప్పాలి.

ఆ తర్వాత శివాజీ, వెంకట్ బయటకు వచ్చి.. నా కొడుకు అంటు హౌస్ మేట్స్ తో శివాజీ చెప్పడంతో అందరు మోస్ట్ సర్ ప్రైజ్ గా ఫీల్ అయినట్టుగా తెలుస్తుంది. ఇక పల్లవి ప్రశాంత్ పరుగున వెళ్ళి హత్తుకున్నాడు. శోభాశెట్టి, అమర్ దీప్, భోలే అందరు సర్ ప్రైజ్ అయ్యారు. ఇక అందరిని కలిసాక శివాజీతో ఒంటరిగా మాట్లాడాడు వెంకట్. నువ్వు వస్తావనుకోలేదు‌. తమ్ముడు వస్తాడనుకున్నాను. నీకు సిగ్గు కదా అని శివాజీ అనగానే.. నాకు యూనివర్సిటీది డేట్ 8th కి  ఉంది. మళ్ళీ నువ్వు వచ్చేసరికి కలిసే వీలుంటదో ఉండదో అని వచ్చానని వెంకట్ అనగానే.. శివాజీ కన్నీళ్ళు పెట్టుకున్నాడు. ఇది బిగ్ బాస్ సీజన్-7 లోనే మోస్ట్ ఎమోషనల్ ఎపిసోడ్ అవుతుంది. కాగా ఇప్పుడు ఈ బిగ్ బాస్ ప్రోమో యూట్యూబ్ లో ఫుల్ ట్రెండింగ్ లో ఉంది.